Pumasok sa isang kasunduan ang Pamahalaang Lungsod ng Pasig at Robinsons Land Corporation para magbigay daan sa pagkakaroon ng Pasig City Hall Annex sa Robinsons Metro East, Brgy. Dela Paz.

Sa ilalim ng kasunduang ito, ililipat ang kasalukuyang Manggahan Annex sa Robinsons Metro East at mas palalawigin pa ang mga maseserbisyuhang barangay. 

Mula sa tatlong barangay (Manggahan, Dela Paz, at Santolan), maseserbisyuhan na rin ng Annex na ito ang barangay Sta Lucia at Rosario. Ilan sa mga serbisyong ipagkakaloob ng Metro East Annex ang business registration, renewal, amendment, at retirement; payment at assessment ng real property tax; at assessment at release ng regulatory permits tulad ng Certificate of Conformance, Sanitary Permit, Environmental Permit to Operate.

Inaasahang magiging operational ang Metro East Annex sa kalagitnaan ng 2023.

Ang pagkakaroon ng Annex sa Robinsons Metro East ay isa sa mga inisyatibo ng Pamahalaang Lungsod ng Pasig para patuloy na mapagbuti pa ang ease of doing business sa ating lungsod at ang pagiging business-friendly nito.