Nagkaroon ng distribusyon ng financial assistance ngayong araw, May 23, 2023 sa Tanghalang Pasigueño, para sa mga Pasigueño na kumuha at kukuha pa lamang ng board/bar examinations.

Nasa 89 benepisyaryo ang nakatanggap ng PHP 10,000.00 mula sa Pamahalaang Lungsod ng Pasig bilang pinansyal na tulong sa kanilang paghahanda sa pagkuha ng board/bar exams. 

Ang pagbibigay tulong na ito ay inisyatibo ng Pamahalaang Lungsod ng Pasig na  pinangangasiwaan ng Pasig City Scholarship Office upang matugunan ang pangagailangang pinansyal ng mga mag-aaral na Pasigueño na nakatakdang kumuha ng board/bar exams. 

Ang programang ito ay bukas para sa lahat ng Pasigueño na sasailalim sa board/bar exams, kahit na sila ay hindi kabilang sa Pasig City Scholarship Program.