Naging matagumpay ang ginanap na 4th Mega Job Fair noong Biyernes, October 6, 2023 sa Robinsons Metro East kung saan nasa higit 900 jobseekers ang lumahok sa nasabing activity.

Sa higit 900 na ito ay nasa halos 400 ang na-hire on the spot at nasa 1,232 ang deemed qualified (kaya mas marami ang bilang ng qualified dahil maaaring mag-apply sa higit isang trabaho ang isang aplikante) para sa kanilang mga posisyon na inapplyan. Samantala, nasa 573 naman ang tinuturing na near-hired (o may kailangan pang ipasang additional requirement o pagdaanang additional interview bago opisyal na matanggap).

Bukod sa job fair at one-stop shop para sa first time job seekers ay nagkakaroon din ng Employment Coaching sa mga dumalo, na pinangunahan ng Pasig City Public Employment Service Office (PESO).

Na-miss ang 4th Mega Job Fair? Huwag mag-alala dahil may mga naka-line up pang job fair bago matapos ang taong 2023! Manatiling nakaabang sa mga posting ng Pasig City Public Information Office tungkol dito!

Ang 4th Mega Job Fair ay naging posible sa pangunguna ng Pasig City PESO sa pakikipagtulungan sa Robinsons Metro East..