Higit 850 ang grumaduate sa ika-25 Certification Day ng Pasig City Institute of Science and Technology (PCIST) - Bambang ngayong araw, October 27, 2023.

Ang mga ito ay nagsipagtapos ng alinman sa 14 National Certificate (NC) II courses na kasalukuyang ino-offer sa PCIST Bambang. Sa ikatlo at huling araw ng series ng Certification Days ng tatlong branches ng PCIST, Barangay Computer Literacy Program, at Pasig City Livelihood Training Center ay present pa rin sina Mayor Vico Sotto, Vice Mayor Dodot Jaworski, Jr, Congressman Roman Romulo, at kasama rin ang mga miyembro ng 11th Sangguniang Panlungsod na sina Councilor Simon Tantoco, Councilor Corie Raymundo, at Councilor Angelu De Leon. Nagbigay ang mga ito ng mensahe para sa mga nagsipagtapos at nag-abot din ng sertipiko sa mga ito.

Ang mga programang ito ay kumakatawan sa pagbibigay importansya ng Pamahalaang Lungsod ng Pasig sa technical vocational training, na parte rin ng educational system sa lungsod at maging pagbibigay ng pagkakataon sa mga Pasigueño na patuloy na linangin ang kanilang mga kakayahan na maaaring maging pagkukuhanan ng pangkabuhayan (sa aspeto ng livelihood man o posibleng employment).

#UmaagosAngPagasa