Kinilala ng Pamahalaang Lungsod ng Pasig ang galing ng mga kabataang Pasigueño mula sa Sangguniang Kabataan (SK) ng Maybunga at Santolan na humakot ng tropeyo at certificates sa katatapos na 4th Philippine Sangguniang Kabataan Awards sa isang maiksing programa na ginanap kasabay ng lingguhang Pagtataas ng Watawat kahapon, June 19, 2023.

Mula sa nasa 483 entries ng iba't ibang SK at Local Youth Development Offices sa buong Pilipinas na naglaban para sa mga titulo na Outstanding SK Project, Outstanding SK Council (Federation at Barangay categories), at Outstanding Local Youth Development Office, nasungkit ng mga kabataang Pasigueño ang mga sumusunod: 

SK Maybunga: 

- Most Outstanding SK Project - EcoChallenge

- National Finalist for Most Outstanding SK Project - Abot Kamay

SK Santolan: 

- National Outstanding SK Council Barangay Award

- National Finalist for Most Outstanding SK Project - SK Youth Emergency Response Team 

- National Finalist for Most Outstanding SK Project - Kabuhayan para sa Kapwa ko Kabataan 

Ang mga pagkilalang ito ay patunay na ang mga kabataang Pasigueño ay naglilingkod ng tapat at mahusay sa kanilang mga nasasakupan. Sana'y magsilbing insipirasyon ang SK Maybunga at SK Santolan sa lahat ng mga kabataang Pasigueño upang patuloy na umagos ang pag-asa sa Lungsod ng Pasig!

Congratulations at ipinagmamalaki namin kayo!