𝐀𝐛𝐢𝐬𝐨 𝐩𝐚𝐫𝐚 𝐬𝐚 𝐬𝐞𝐧𝐢𝐨𝐫 𝐜𝐢𝐭𝐢𝐳𝐞𝐧𝐬 𝐧𝐠 𝐦𝐠𝐚 𝐬𝐮𝐦𝐮𝐬𝐮𝐧𝐨𝐝 𝐧𝐚 𝐛𝐚𝐫𝐚𝐧𝐠𝐚𝐲: 𝐁𝐚𝐠𝐨𝐧𝐠 𝐈𝐥𝐨𝐠, 𝐁𝐚𝐦𝐛𝐚𝐧𝐠, 𝐂𝐚𝐧𝐢𝐨𝐠𝐚𝐧, 𝐊𝐚𝐥𝐚𝐰𝐚𝐚𝐧, 𝐒𝐭𝐨. 𝐓𝐨𝐦𝐚𝐬, 𝐚𝐭 𝐔𝐠𝐨𝐧𝐠

Narito po ang schedule ng mga barangay na kabilang sa Batch 3 ng pagpapalit ng Senior Citizen ID para maging PVC ID na ito.

Paalala po na ang lahat ng senior citizen mula sa mga nasabing barangay na rehistrado sa Pasig City OSCA at kasalukuyang may Senior Citizen ID ay kailangang sumailalim sa data capturing para makapagpalit patungo sa isang PVC ID. 

Gabay sa pagbabasa ng material: 

Photo #2: Proseso ng Data Capturing para sa PVC ID 

Photo #3: Mahahalagang paalala kaugnay ng pagpapalit ng Senior Citizen ID para maging PVC ID

Photo #4: Schedule at Venue ng Data Capturing para sa mga barangay na nabanggit | May 5-28, 2025

𝙋𝙖𝙧𝙖 𝙣𝙖𝙢𝙖𝙣 𝙨𝙖 𝙨𝙘𝙝𝙚𝙙𝙪𝙡𝙚 𝙣𝙜 𝙙𝙖𝙩𝙖 𝙘𝙖𝙥𝙩𝙪𝙧𝙞𝙣𝙜 𝙨𝙖 𝙣𝙖𝙩𝙞𝙩𝙞𝙧𝙖𝙣𝙜 𝙗𝙖𝙧𝙖𝙣𝙜𝙖𝙮 𝙨𝙖 𝙇𝙪𝙣𝙜𝙨𝙤𝙙 𝙣𝙜 𝙋𝙖𝙨𝙞𝙜, 𝙖𝙣𝙩𝙖𝙗𝙖𝙮𝙖𝙣𝙖𝙣 𝙡𝙖𝙢𝙖𝙣𝙜 𝙥𝙤 𝙖𝙣𝙜 𝙢𝙜𝙖 𝙨𝙪𝙨𝙪𝙣𝙤𝙙 𝙣𝙖 𝙖𝙣𝙪𝙣𝙨𝙮𝙤 𝙥𝙖𝙩𝙪𝙣𝙜𝙠𝙤𝙡 𝙙𝙞𝙩𝙤. Ipo-post po ito sa Facebook Page ng Pasig City Public Information Office at Pasig City Office for Senior Citizens Affairs sa oras na mapinalisa na ang mga detalye at koordinasyon sa mga barangay kaugnay nito. Maaari ring makibalita sa pamamagitan ng Senior Help Desk Officer sa inyong mga barangay. 

Kung may nais linawin patungkol sa aktibidad na ito, maaaring po kayong magpadala ng mensahe sa Facebook Page ng Pasig City OSCA o makipag-ugnayan sa inyong Senior Citizen Help Desk Officer. 

Paalala rin po na hindi kailangang pumila nang maaga sa venue. Mangyaring pumunta sa venue ayon sa schedule ng inyong barangay. Dahil din sa init ng panahon o paminsang pag-ulan, hinihikayat po ang lahat na magdala ng payong, pamaypay, at sariling tubig. 

Bukod pa rito, pinapakiusap na magsuot ng t-shirt, polo, o polo shirt sa araw ng data capturing sa inyong barangay para masiguro na maayos magiging photo sa PVC ID.

Maraming salamat po at inaasahan po ang kooperasyon ng mga senior citizen at kanilang kaanak para sa maayos na pagsasagawa ng aktibidad na ito.