Sa Biyernes, February 17, 2023 ay magkakaroon ng Mega Job Fair sa SM City East Ortigas simula 08:00AM hanggang 4:00PM. Higit sa 60 kumpanya ang lalahok sa nasabing job fair. 

Para sa mga interesado, magdala lamang ng maraming kopya ng inyong resume at sariling ballpen. Katulad ng mga nauna nating job fair noong 2022, may tiyansa rin na ma-interview na mismo sa Biyernes (o ma-hire on the spot!), kaya ihanda rin ang inyong mga sarili!

Bukod sa Job Fair proper, tampok din ng activity na ito ang  isang ONE-STOP SHOP para sa mga employment requirements dahil maaari rin kayong magproseso ng mga dokumento mula sa SSS, BIR, Pag-IBIG, at PNP (Police Clearance). Paalala para sa first time jobseekers, magdala ng First Time Jobseekers Certificate at Oath of Undertaking mula sa inyong barangay bilang patunay na kayo ay first time job seekers para maka-avail ng libreng requirements.

Ang Job Fair na ito ay naging posible sa pakikipag-ugnayan ng Pamahalaang Lungsod ng Pasig, sa pangunguna ng Public Employment Service Office, sa pamunuan ng SM City East Ortigas.

Kita kits sa Biyernes!