Hindi nakapunta sa 4th Mega Job Fair noong isang linggo? Huwag mag-alala dahil sagot namin kayo! Sa darating na Lunes, October 16, 2023, magkakaroong muli ng Job Fair na gaganapin naman sa Main Atrium ng SM City East Ortigas! 

Sa kasalukuyan, nasa halos 40 local and overseas companies na ang nagpahayag ng kanilang pagsali sa job fair, kaya naman i-update na ang inyong mga resume at mag-print na ng maraming kopya nito! Inaasahan na madaragdagan pa ang bilang ng mga lalahok na kumpanya hanggang sa Lunes!

Bukod sa paghahanda ng resume, ihanda rin ang sarili dahil maaaring ma-interview na rin sa mismong araw ng job fair, at higit sa lahat, ma-hire on the spot!

Bukas ang job fair kahit para sa mga nakatungtong ng high school o senior high, skilled workers, bagong graduate na wala pang experience, o mga matagal nang naka-graduate at marami ng work experience! Wala ring age limit, kaya kita kits sa Lunes sa SM East Ortigas, Pasigueño!

I-check ang vacancies na maaaring applyan sa darating na job fair sa link na ito: https://bit.ly/PC_JobFair_Oct16

Ang job fair na ito ay naging posible sa pangunguna ng Pasig City Public Employment Service Office at pakikipag-ugnayan nito sa SM City East Ortigas.