Isang send off ceremony para sa mga delegado ng Lungsod ng Pasig sa darating na Batang Pinoy 2024 ang ginanap noong Sabado, November 16, 2024 sa Pasig Elementary School Gym.

Nasa 765 ang ipapadalang delegasyon ng Lungsod ng Pasig na binubuo ng 618 athletes at 147 coaches na lalahok sa 29 (out of 30) sporting events ng Batang Pinoy National Championships 2024. Bukod sa mga delegado, present din sa send off ceremony ang kanilang mga pamilya.

Para sa send off ceremony, nagbigay ng inspirational at good luck messages sina Mayor Vico Sotto, mga miyembro ng Sangguniang Panlungsod ng Pasig, at Pasig City Schools Division Superintendent Sheryll Gayola. Nagkaroon din ng orientation para sa mga atleta at distribution ng allowances para sa mga ito.

Gaganapin ang Batang Pinoy National Championships 2024 sa November 23 - 28, 2024 sa Puerto Princesa City.

Para sa mga delegado, lubos kayong ipinagmamalaki ng Lungsod ng Pasig!