Isang mapagpalang pagsisimula ng selebrasyon ng ika-450 Araw ng Pasig, mga Pasigueño! 

Inumpisahan natin ang selebrasyon para sa araw na ito sa pamamagitan ng pagdalo sa Thanksgiving Mass kaninang umaga sa Immaculate Conception Cathedral (ICC) na pinangunahan ni Most Rev. Mylo Hubert C. Vergara, D.D.

Bago ang banal na misa, mapalad ang mga Pasigueño dahil binuksan ang Jubilee Door kaugnay ng paggunita ng simbahan ng kanilang ika-450 taon. 

Dumalo sa nasabing misa ng pasasalamat ang mga opisyal ng Pamahalaang Lungsod ng Pasig, mga kawani ng Pasig City Hall, at mga Pasigueño na nakiisa sa selebrasyon ng importanteng araw na ito! 

Bukod sa misa ng pasasalamat, gaganapin din mamaya ang Gabi ng Pasasalamat kung saan highlight nito ang mahalagang anunsyo na magmumula kay Mayor Vico at ang pinakahihintay na perfomances ng mga local at mainstream artists!

Para sa mga nais balikan ang mga kaganapan sa banal na misa, i-click ang link na ito: https://bit.ly/450thArawNgPasigThanksgivingMass