Opisyal nang pinasinayaan ang Pasig City Hall Annex 2 na matatagpuan sa 3/F ng Robinsons Metro East sa isang maiksing programa na ginanap noong Biyernes, July 7, 2023.

Sa Pasig City Hall Annex 2 inilipat ang operations mula sa dating Manggahan Annex kung saan maaaring mag-asikaso ng business permit at magbayad ng business at real property tax ang mga taga Barangay Manggahan, Dela Paz, at Santolan. Tina-target ng Pamahalaang Lungsod ng Pasig na mas palawigin pa ang mga serbisyo na ipinagkakaloob ng Pasig City Hall Annex sa hinaharap.

Ang inisyatibo na ito ay kaugnay ng efforts ng Pamahalaang Lungsod ng Pasig na pagbutihin pa ang ease-of-doing business sa Pasig. Layon nito na magbigay daan na makapag-transact ang publiko sa lugar na mas kumportable at malapit din sa iba pang tanggapan pamahalaan na matatagpuan din sa Robinsons Metro East sa ilalim ng programa nitong Lingkod Pinoy Center.

Bukas ang Pasig City Hall Annex simula Lunes hanggang Biyernes, 08:00AM - 05:00PM, liban kung holiday.