Kaisa ang Pamahalaang Lungsod ng Pasig sa selebrasyon ng National Oral Health Month ngayong buwan ng Pebrero na may temang "Let's DOH-8! Vision 70-20: Opan Iwas Bungal!"

Bilang parte ng kick-off ceremony para sa National Oral Health Month sa Pasig, nagkaroon ng maiksing program na naging parte ng lingguhang pagtataas ng watawat, sa pangunguna ng City Health Department - Dental Section.

Sa tulong ni Dr. Noel Vallesteros, Chief ng Child Adolescent and Maternal Health Division - Disease Prevention and Control Bureau ng Department of Health, ipinaliwanag niya ang layon at approach ng Vision 70-20 Oplan Iwas Bungal. Sa kanyang pahayag, sinabi niya na sa ilalim ng Vision 70-20 hindi lamang ang mga senior citizen ang tututukan ng pansin kung hindi ang buong life cycle ng isang tao, mula sa pagbubuntis hanggang sa pagtanda. TRIVIA: Ang ibig sabihin ng 70-20 sa 70-20 vision ay mga Pilipino na may edad 70 at pataas ay may 20 at pataas pang functional na ngipin.

Sa kanyang pagtatapos, hinikayat niya ang mga Pasigueño na mag- "Let's DOH-8!" (I-check ang material para sa mga hakbang sa pagpapanatili ng oral hygeine.)

Parte rin ng kick-off ceremony ng National Oral Health Month ang pagkilala sa ilang senior citizen mula sa iba't ibang barangay ng Pasig na nagsisilbing role model ng Vision 70-20. Bukod sa certificate ay nakatanggap din sila ng timba kit mula sa Department of Health.