Bukas, October 28, 2022, ay magkakaroon muli ng Pasig City Mega Job Fair na gaganapin sa Pasig City Sports Center, simula 08:00 a.m. hanggang 04:00 p.m.

Nasa 60 local at international companies, at Philippine government agencies ang kumpirmadong dadalo upang bigyan ng pagkakataon ang mga Pasigueño na nagnanais magkaroon ng trabaho. Tingnan ang link na ito para sa kumpletong listahan ng mga available na trabaho na maaaring applyan bukas: bit.ly/PasigPesoJobVacancies.

Ang Job Fair na ito ay magsisilbi ring ONE-STOP SHOP para sa mga nais magproseso ng dokumento sa SSS, BIR, Pag-Ibig, PhilHealth, at PNP (Police Clearance). 

Paalala para sa FIRST TIME JOB SEEKERS na kukuha ng LIBRENG police clearance, magdala ng First Time Job Seeker Certificate at Oath of Undertaking mula sa inyong mga barangay na magpapatunay na kayo ay first time job seekers. 

Maaari ring pumunta sa Job Fair ang mga nais mag-apply sa Philippine Army. Tingnan lamang ang link para sa qualifications at requirements na dapat tandaan: bit.ly/PasigPeso_PhilippineArmy.

Kaya sa mga nais pumunta sa Job Fair na ito, maghanda na ng maraming kopya ng inyong resume at sariling ballpen! Ihanda rin ang inyong mga sarili dahil may tiyansa na ma-interview din ng mga kumpanya bukas din mismo! 

Ang Job Fair event na ito ay handog sa atin ng Pasig City Public Employment Service Office. 

Kita kits, Pasigueños!