"Ano po ba ang requirements kapag late ko na po na-register ang anak ko?" "Paano po kung magpapa-correct ako ng spelling ng pangalan ko sa birth certificate ko?"

"Ano po ba ang proseso ng pagkuha ng marriage license sa Pasig? Paano kung nasa ibang bansa pa ang mapapangasawa ko?"

"Paano ko po makukuha ang Death Certificate na kailangan para makapag-asikaso sa paglilibingan o para makakuha ng claims sa SSS?"

Ito rin ba ang mga kadalasang tanong ninyo? Huwag mag-alala dahil lahat ng yan, sasagutin ng ating City Civil Registry Department (CCRD) bukas, September 16, 2023, 08:00AM - 05:00PM!

I-check ang material kung saang venue (Bagong Ilog Covered Court at Maybunga Covered Court) maaaring pumunta para makapagtanong sa CCRD depende sa inyong barangay!

Layunin ng information drive na ito na mas mapadali ang pagproseso ng mga kinakailangang registration (birth, marriage, death) na pinapangasiwaan ng Pasig City Civil Registry Department. Ang information drive na ito ay bilang paghahanda rin sa selebrasyon ng 34th National Statistics Month sa Oktubre!

Kita kits bukas!